AZ
RU
"Binanın üzlənməsində hansı materialdan istifadə olunacağı isə tam dəqiqləşməyib"
“Yanan binada təmir işləri gedir. İki gün olar ki, binanın daxilində söküntü işlərinə başlanılıb”
"Xeberinfo.com": Məlumata görə, bunu Azvision.az-a açıqlamasında Binəqədi rayonunda yanan binanın təmir işlərini aparan “Azəraqrartikinti” ASC-nin sədri, Milli Məclisin deputatı Ağalar Vəliyev deyib.
Onun sözlərinə görə, təmir-bərpa işləri 4-5 ay çəkəcək.
“Yəqin ki, 4-5 ay müddətinə binanın təmir işlərini bitirəcəyik. Binanın üzlənməsində hansı materialdan istifadə olunacağı isə tam dəqiqləşməyib. Binanın ümumi dayanıqlığı normaldır. Bəzi sahələrdə gücləndirmə tədbirləri nəzərdə tutulur. Onun da layihəsi işlənilir ki, hansı işləri görmək lazımdır”-deyə A.Vəliyev vurğulayıb.
Qeyd edək ki, mayın 19-da Bakının Binəqədi rayonunda baş verən yanğın nəticəsində 15 nəfər ölüb, 50-dən çox insan isə yaralanıb. Hadisə nəticəsində bina yarasız vəziyyətə düşüb. Ölkə başçısının sərəncamı ilə binanın təmiri üçün 3 milyon manat vəsait ayrılıb.
