“Azərbaycanda İctimai Televiziya yarandığı gündən cəmiyyətin buna çox böyük dəstəyi oldu. Amma təbii ki, çatışmazlıqlar, nöqsanlar mövcuddur”.

"Xeberinfo.com":  Məlumata görə, bunu Milli Məclisin iclasında İctimai Televiziya və Radio Yayımları Şirkəti Yayım Şurasının tərkibində dəyişikliklər edilməsi məsələsinin müzakirəsi zamanı deputat Fuad Muradov deyib. O bildirib ki, İTV-nin Yayım Şurası hər il hesabat dərc edir: “Bu hesabatda televiziyada gedən proseslər öz əksini tapır”.

Fuad Muradovun sözlərinə görə, neqativ proseslər narahatlıq yaradan amillərdəndir. Onun fikrincə, problemləri həll etmək üçün nəzarət mexanizmi gücləndirilməlidir: “İctimai Televiziya yeganə qurumdur ki, orada ictimaiyyət nümayəndələri var. İctimai Televiziya modeli digər televiziyalar üçün istifadə oluna bilər”.

Milli Məclisin Mədəniyyət komitəsinin sədri Nizami Cəfərov da bildirib ki, Azərbaycan televiziyalarında bayağı verilişlərin sayı çoxalır. “Yaxşı olardı ki, bayağı verilişlərlə bağlı məsələ tənzimlənsin. Bu sahədə ciddi problemlər mövcuddur”.

Modern. az