AZ
RU
“Kiyev ətrafında şiddətli döyüşlər olacaq”.
Yenixeber.org: Bunu Böyük Britaniyanın Müdafiə Nazirliyi bildirib.
Nazirlik qeyd edib ki, Rusiya qoşunlarının az bir hissəsini Kiyevdən çıxarsa da şəhərin şərq və qərb hissəsində mövqeyini dəyişməyib:
“Rusiya qüvvələri məhdud sayda bölmələrin çıxarılmasına baxmayaraq, Kiyevin şərqində və qərbində mövqelərini saxlamağa davam edir. Çox güman ki, yaxın günlərdə şəhərətrafı qəsəbələrdə şiddətli döyüşlər baş verəcək”.
Xatırladaq ki, ABŞ Müdafiə Nazirliyinin sözçüsü Con Kirbi Rusiyanın Kiyevdəki qoşunlarının 20 faizinin Belarusa doğru geri çəkildiyini, lakin bunun şübhəli məqam olduğunu bildirib. O qeyd edib ki, əgər Rusiya gərginliyin azaldılması məsələsində səmimidirsə, geri çəkdiyi hərbçilərini öz qarnizonlarına göndərməlidir. Kirbi Rusiyanın bunu etməyəcəyini qətiyyətlə bildirib.
.jpg)
