AZ
RU
Türkiyədən Sərkisyana cavab
Ermənistan prezidenti Serj Sərkisyanın rəsmi Yerevanla Ankara arasında diplomatik, siyasi əlaqələrin qurulmasını nəzərdə tutan Sürix protokollarını ölkə parlamentindən geri çağırması barədəki qərarına Türkiyə reaksiya verib.
"Xeberinfo.com": Məlumata görə, Türkiyənin Xarici İşlər Nazirliyi məsələ ilə bağlı açıqlama verib.
Türkiyənin xarici siyasət idarəsi bəyan edib ki, Ermənistanın dövlətinin bu qərarı yanlış və uğursuzdur.
“Protokollar Ermənistan parlamentində gözləyirdi, amma heç bir addım atılmırdı. Bu qərar Ermənistan rəhbərliyinin daxili dəyərləndirməsidir. Ancaq biz bunu doğru hesab etmirik. Bunlar səmimiyyətdən uzaq yanaşmadır”,-deyə bəyanatda qeyd olunub.
Xatırladaq ki, 16 fevralda Ermənistan pezidenti Serj Sərkisyan 2009-cu ilin oktyabr ayında Sürixdə imzalanmış erməni-türk protokollarını geri çağırmaq haqqında qərar verib. Sərkisyan bildirib ki, protokolların imzalanmasından 6 il vaxt keçsə də, Türkiyə bununla bağlı lazımı addımlar atmayıb. (modern.az)
.jpg)
