AZ
RU
Ölkəmiz demokratiya indeksinə görə 148-ci yerdə
Britaniyanın “Economist İntelligence Unit-h” analitik mərkəzi “Demokratiya indeksləri - 2014” reytinq cədvəlini açıqlayıb
"Xeberinfo.com": Məlumata görə, təhqiq edilən 167 ölkə 4 kateqoriyaya bölünüb: tam demokratik, qismən demokratik, hibrid və avtoritar rejimli ölkələr.
Bu zaman əsasın aşağıdakı göstəricilər nəzərə alınıb – seçki prosesi və plüralizm, vətəndaş azadlıqları, hökumətin fəaliyyəti, siyasi iştirak, siyasi mədəniyyət.
Reytinq cədvəlində Azərbaycan 148-ci yerə qoyulub. Ölkəmiz Belarus (125), Rusiya (132), Qazaxıstan (137). İranla (158) birgə avtoritar ölkələr qrupundadır.
Gürcüstan (81), Ukrayna (92), Türkiyə (98) hibrid ölkələr hesab edilib. Ermənistan isə hibrid ölkələrlə avtoritar ölkələrin sərhədində yerləşir – 113-cü yer.
Təhqiqatların nəticəsinə görə, dünyada tam demokratik 24 ölkə var. İlk beşlikdə Norveç, İsveç, İslandiya, Yeni Zelandiya və Danimarkadır.
(5).jpeg)
