AZ
RU
General paytaxtda qətliam törətdi:40 ölü, 80 yaralı
Liviyada general Xəlifə Haftarın əmrində olan qüvvələrin paytaxt Tripolinin şərqində yerləşən qaçqın düşərgəsinə hücum nəticəsində 40 nəfər ölüb, 80 nəfər yaralanıb.
Yenixeber.org: Hava hücumunun hədəfi olan qaçqın düşərgəsində 120 afrikalı miqrant məskunlaşıb.
Ölü sayının artacağı ehtimal edilir.
Milli Razılaşma Hökumətinə bağlı Səhiyyə Nazirliyinin mətbuat katibi Fevzi Unneyis Anadolu Agentliyinə açıqlamasında bildirib ki, Haftar qüvvələrinə aid təyyarələr bölgəni bombardman edib.
Qeyd edək ki, qaçqın düşərgəsində Afrika, Misir və Cənubi Asiyadan miqrantlar yerləşdirilib. Düşərgədə 120-ə yaxın insan olub.
