AZ
RU
Rusiya dollardan imtina etməlidir
“Rusiya Federasiyası Şanxay Əməkdaşlıq Təşkilatının (ŞƏT) üzv ölkələrilə ticarət etmək üçün öz milli valyutasından istifadə etməlidir. Bu da nəticədə dollardan tam imtinaya gətirib çıxara bilər”.
"Xeberinfo.com": Məlumata görə, bu sözləri Qazaxıstanın Baş naziri Kərim Məsimov deyib.
“Bu haqda ŞƏT üzvləri arasında dəfələrlə diskussiya keçirilib və qarşılıqlı hesab əməliyyatlarında milli valyutalara üstünlük verməyin vacibliyi vurğulanıb”, - deyə Kərim Məsimov bildirib.
Rusiyanın Baş naziri Dmitri Medvedev də Kərim Məsimovun bu ideyasını dəstəkləyib: “Bu problemli mövzudur. Onun həyata keçməsi üçün bir çox layihələr həyata keçirməliyik”.
Qeyd edək ki, Şanxay Əməkdaşlıq Təşkilatı 2001-ci ildə yaradılıb. Rusiya, Çin, Qazaxıstan, Qırğızıstan, Tacikistan və Özbəkistan bu quruma üzv seçiliblər.
Müşahidəçi qismində isə bura Monqolustan, Hindistan, İran, Pakistan və Əfqanıstan daxil edilib. Sentyabr ayında Pakistanla Hindistan ŞƏT-in üzvü olmaq üçün rəsmi ərizə yazıb.
.jpg)
