AZ
RU
.jpg)
Ermənistan və İran arasında SES anlaşması
İran və Ermənistan Ermənistanda Araz çayı üzərində Su-Elektrik Stansiyası (SES) tikintisi haqda sazişin hazırlığı başa çatıb.
"Xeberinfo": Bu barədə İranın energetika naziri Həmid Çitçian “Fars” agentliyinə açıqlamasında bildirib.
“Ermənistanda SES inşası ilə bağlı qarşılıqlı anlaşmaya dair memorandum artıq razılaşdırılıb. İran şirkətləri yaxın zamanlarda stansiyanın tikintisinə başlayacaq”, - deyə o, qeyd edib.
Yada salaq ki, öncələrdə Tehran və İrəvan Araz çayı sahillərində iki SES-in və üçüncü elektrik xətti ötürücüsünün inşası haqda razılıq əldə eləmişdilər.
Tikiləcək sonuncu SES ildə 793 milyon kvt/saat elektrik enerjisi istehsal edəcək. Mehri SES-in qiymətləndirmə gücü 130 mvt nəzərdə tutulub.
