AZ
RU
“Rusiyaya qarşı sanksiyalar genişləndirilə bilər”
Rusiyanın Ukraynanın şərqində hərəkəti Moskvaya qarşı sanksiyaların genişləndirilməsinə gətirib çıxara bilər.
"Xeberinfo.com": Bunu Böyük Britaniyanın Baş naziri Devid Kemeron bəyan edib. Böyük İyirmiliyin sammiti ərəfəsində Avstraliyanın paytaxtı Kanberrada çıxışı zamanı Devid Kemeron bildirib ki, Rusiya Ukraynanın “öz yolunu müstəqil şəkildə seçməyə qadir olan müstəqil və azad ölkə” kimi inkişaf etməsinə imkan verməlidir.
“Əgər Rusiya Ukraynanın azadlığına və müstəqilliyinə nikbin yanaşmanı seçərsə, bu, sanksiyaların ləğv edilməsinə gətirib çıxara bilər. Əgər Rusiya vəziyyəti daha da kəskinləşdirməyə davam edərsə, bu, sanksiyaların genişləndirilməsinə gətirib çıxara bilər. Hər şey bu qədər sadədir” – Devid Kemeron belə deyib.
Ukrayna Rusiyanı ölkənin şərqinə hərbi texnika və piyadalardan ibarət karvan göndərməkdə ittiham edir. NATO və ATƏT bu məlumatları təsdiqləyir, Moskva isə onları qəti şəkildə təkzib edir.
(5).jpeg)
