“İranla Azərbaycan arasında dostluq münaribətləri çox aşağı səviyyədədir”.

"Xeberinfo.com":Bu açıqlama ilə rusiyalı iranşünas Rüstəm İsgəndəri çıxış edib.

O, İranın Bakıdakı sələfilərdən narahat olduğunu deyib:

“Azərbaycan və İranın rəsmi nümayəndələri özləri arasında olan dostluq münasibətlərindən danışsalar da, əslində bu, belə deyil. Yaxın Şərqdə yaranmış geopolitik sunamidən sonra İran öz üzərinə gələn riskləri azaltmaq istəyir. Yaxın Şərqdə baş verənlər Azərbaycan və İranın maraqlarının yaxınlaşması baxımından çox önəmlidir. Bu baxımdan da İran Prezidentinin Azərbaycana səfəri önəmli xarakter daşıyır. İran Prezidentinin səfərinin digər önəmli məqamı isə rəsmi Tehranın Azərbaycanda sələfilərin sayının artmasından qorxmasıdır. Sonuncu hesablamalara görə, bu ölkədə 40 mindən çox sələfi yaşayır ki, onların da bir çox hissəsi İŞİD sıralarında təlim keçiblər. İran sələfilərin Azərbaycanda nə isə törətməsindən narahatdır. Ona görə də özündən kənarda tutmaqdan ötrü hadisələrə nəzarəti əlinə almaq istəyir”.