AZ
RU
Saakaşvili İvanişvilini diktatura qurmaqda ittiham edir
"Xeberinfo.com": Gürcüstanın keçmiş prezidenti Mixail Saakaşvili ölkədə siyasi böhranın yaşandığını və Gürcüstanın oliqarx Bidzina İvanişvili tərəfindən özəlləşdirildiyini iddia edir. Bu barədə o «Rustavi-2» telekanalına müsahibəsində deyib. «İvanişvili əyalət diktaturası qurub və Gürcüstanı özəlləşdirib. Klassik siyasət ləğv edilib və xalqın hakimiyyətə inamı itib», – deyə keçmiş prezident bildirib.
Saakaşvili hesab edir ki, 2016-cı ildə hazırkı hakimiyyət demokratik seçkilərə imkan verməyəcək. «İvanişvili seçki sistemini ləğv edib, hər şeyə yuxarıdan aşağı baxır. O hakimiyyətin seçki yolu ilə dəyişməsinə imkan verməyəcək. Ölkənin böhrandan çıxması üçün xalqın siyasətçiləri dəstəkləməsinə ehtiyac var. Bunun əksi olmamalıdır», – deyə Saakaşvili qeyd edib.
