AZ
RU
Liviyada terrorçuların seçki komissiyasına hücumu nəticəsində 11 nəfər ölüb
Liviyada Ali Seçki Komissiyasının qərargahına edilən terror hücumu nəticəsində ölənlərin sayı 11 nəfərə çatıb
Yenixeber.org: Bu barədə ölkənin Səhiyyə Nazirliyindən bildiriblər. Qeyd edilib ki, azı iki nəfər də yaralanıb və onlar arasında qadın da var. Daha əvvəl seçki komissiyasının sədri Səid əl-Kudabi yerli "Kanal 218"ə açıqlamasında aralarında terrorçu-kamikadzelərin də olduğu terrorçuların bu gün Tripoli şəhərində Ali Seçki Komissiyasının qərargahına soxulduğunu, binada kamikadzelərin özlərini partlatdıqlarını söyləyib. "Al-Arabia" telekanalının məlumatına görə, güc strukturları əməkdaşları hadisə yerində iki terrorçunu məhv edib. Hücum zamanı terrorçuların xarici vətəndaşlar da daxil olmaqla, bir neçə əsir götürə biləcəyi qeyd edilib.
