AZ
RU
Silahlı şəxs İranın Vaşinqtondakı nümayəndəliyinə hücum edib
Tapança və bıçaqla silahlanmış bir nəfər İranın Vaşinqtondakı nümayəndəliyinə hücum edib
Yenixeber.org: Hücum nəticəsində bir nəfər ağır yaralanmış halda xəstəxanaya yerləşdirilib.
Hadisə yerinə gələn hüquq-mühafizə orqanları əməkdaşları silahlı şəxsi saxlayıblar. Saxlanılan şəxsin Texas sakini 55 yaşlı Əlirez Fahar olduğu aydınlaşdırılıb.
Şahidlərin sözlərinə görə, o, hücum zamanı fars dilində nəsə qışqırıb. Saxlanılan şəxs həmçinin televizorları, kompüterlərin monitorlarını və binanın pəncərələrini sındırıb.
Qeyd edək ki, İranın ABŞ-da səfirliyi yoxdur, sadəcə, Pakistan səfirliyi yanında İranın maraqları bölməsi var və orada viza və pasportlar işlənilir. Bölmə İranın ABŞ-dakı konsulluq nümayəndəliyi kimi fəaliyyət göstərir.
