AZ
RU
İŞİD Türkiyə ilə sərhəddə daha bir neçə kəndi ələ keçirdi
“İslam Dövləti” (İŞİD) terror təşkilatı Suriyanın Hələb əyalətinin Türkiyə ilə sərhəddə yerləşən Kubani rayonuna doğru irəliləyib.
"Xeberinfo.com": SalamNews-un “əl-Məyadin”ə istinadla verdiyi xəbərə görə, Suriyada bu terror təşkilatının mövqelərinə endirilən aviazərbələrə baxmayaraq, ötən gün Təşkilat Kubani ərazisində daha bir neçə kəndi ələ keçirib.
Məlumata əsasən, ABŞ və onun ərəb ölkələrindən ibarət müttəfiqləri bu gün səhər də İŞİD-in Hələbin şimalındakı əl-Bab şəhəri, eləcə də kürdlərin məskunlaşdığı Kubani rayonu ərazisindəki mövqelərinə aviazərbələr endirib. Bu aviazərbələrin nəticələri barədə hələlik məlumat yoxdur.
