Rotenberqin bu ğlkədəki mülklərinə həbs qoyuldu

   "Xeberinfo.com": İtaliya Maliyyə Qvardiyası Rusiyalı biznesmen, prezident Putinin yaxın çevrəsinə daxil olan Arkadi Rotenberqin 30 milyon avro dəyərində aktivlərini dondurub. Rotenberq ABŞ və Avropa Birliyinin Rusiyaya qarşı sanksiyalarına adı daxil edilmiş şəxslərdən biridir. Onun aktivlərinə həbs qoyulduğu xəbərini “Corriere della Sera” qəzeti yayıb.
Qəzetin yazdığına görə, İtaliya hökuməti bu gün səhər saatlarında Rotenberqin 1 mənzilini (Sardiniyada) və 4 villasını (3-ü Sardiniyada, 1-i Tarkvinidə) həbs altına alıb, onların qapılarını möhürləyib.  
Maliyya Qvardiyası bunlardan başqa, Rotenberqə məxsus “Aurora-31” kompaniyasının aktivlərini də dondurublar. Kompaniya Romanın mərkəzindəki “Berg Luxury” dördulduzlu otelə də malikdir. 
Rotenberq İtaliya hökumətinin bu addımını absurd və qeyri-legitim adlandırıb. “Mən artıq neçə aydır ki, sanksiya altındayam və artıqv məni heç nə təəccübləndirmir. Məni təəccübləndirən odur ki, indiki halda söhbət sanksiyaya düşməyən daşınmaz əmlaklardan gedir. Elan olunan sanksiyalar yalnız hesablara və aktivlərə aiddir, mənimsə İtaliyada hesab və aktivlərim yoxdur”, - deyə Rusiyalı biznesmen bildirib.