AZ
RU
Rusiya ilə Ukrayna arasında humanitar anlaşma
Rusiyanın Rostov vilayətində qalmaqallı “humanitar yük”lə bağlı çoxsaatlı danışıqlar başa çatıb.
"Xeberinfo.com" Rusiya KİV-ə istinadən xəbər ki, nəhayət ki, Rusiya və Ukrayna arasında razılıq əldə olunub. Belə ki, yük Ukraynaya daxil olacaq, ancaq yalnız sərhəddə yoxlanıldıqdan sonra.
Danışıqlarda iki ölkənin gömrük əməkdaşları iştirak ediblər. Humanitar yükü “Qırmızı Xaç” müşayiət edəcək. Ona görə də təşkilat nümayəndələri işə başlamazdan öncə bütün tərəflərdən təhlükəsizlik zəmanəti gözləyirlər. Ancaq bu, nə vaxt baş verəcək, hələlik məlum deyil.
Qeyd edək ki, rəsmi Kiyev Rusiyanın şərqi Ukrayna əhalisinə humanitar yardım adı ilə separatçılara hərbi kömək göndərmək istədiyini əsas götürərək qonşu ölkədən hər hansı karvanın daxil olmasına qadağa qoymuşdu. Eyni zamanda humanitar yardımın yalnız “Qırmızı Xaç” vasitəsilə mümkün ola biləcəyini bəyan eləmişdi.
.jpg)
