AZ
RU
"Ərdoğana "sözəbaxan" baş nazir lazımdır"
Ərdogan zəif adamı baş nazir qoysa, problemi yaranacaq.
"Xeberinfo.com": Sinan Ulgen Financial Times qəzetində yazır ki, prezident seçilən Ərdogan prezidentliyinin birinci ilində fikrini daxili siyasətdə cəmləyəcək. Buna görə də o, baş nazir vəzifəsinə özünə loyal, üzüyola adamı qoymaq istərdi.
Zəif baş nazir isə partiyanın nüfuzunu aşağı salacaq. Bu da seçkilərə və sonda Ərdoganın ambisiyalarına mənfi təsir edəcək. Partiya rəhbərliyi populyarlığını itirəndə isə partiyanın daxilində parçalanma başlanacaq.
Türkiyədə gələn ilki parlament seçkiləri indiki prezident seçkiləri kimi mühümdür. Ərdoganın kimi baş nazir seçməsi həmin seçkilərdə hakim partiyanın hansı nəticə göstərməsinə təsir edəcək.
Həmin parlament seçkiləri Türkiyənin getdiyi yolu və Ərdoganın siyasi gücünü təyin edəcək. Sinan Ulgen hesab edir ki, Ərdogan və hakim partiya üçün ən yaxşı seçim məsələn, Abdullah Güldür. Hərçənd onun Ərdoganla fikir ayrılıqları var.
