AZ
RU
Almaniyanın yeni prezidenti Rusiya ilə bağlı mövqeyini açıqladı:"dialoqdan imtina edilməməlidir"
Almaniyanın yeni prezidenti Frank-Valter Ştaynmayer Rusiya ilə dialoq axtaracaq.
Xeberinfo.com: Prezident bunu Almaniyanın ZDF telekanalına müsahibəsində deyib.
Ştaynmayer bildirib ki, hazırda beynəlxalq münasibətlər yeni
mərhələyə qədəm qoyub. Və Moskva ilə Vaşinqton arasında perspektivini proqnozlaşdırmaq çətin olan yeni münasibətlər inkişaf edir.
«Əvvəlki prezident Yoaxim Qaukdan fərqli olaraq Rusiyaya səfər etməyi düşünürsünüzmü» sualına isə Ştaynmayer belə cavab verib: “Hətta ən çətin tərəfdaşlarla belə, dialoqdan imtina edilməməlidir».
Ştaynmayer deyib ki, onu Ağ Evin yeni rəhbəri Donald Trampla çətin danışıqlar gözləyir. Belə ki, ABŞ-ın yeni hökumətinin xarici siyasət konsepsiyası hələ ki qeyri-müəyyəndir.
Bu arada, o da məlum olub ki, Ştaynmayerin prezident kimi ilk səfəri Fransaya olacaq.
