AZ
RU
Rusiyaya qarşı sanksiyalar qüvvədə qalacaq –ABŞ və Aİ razılığa gəldi
Minsk razılaşmasının şərtləri yerinə yetirilənə qədər, Amerika Birləşmiş Ştatları (ABŞ) və Avropa İttifaqı (Aİ) anti-Rusiya sanksiyaların qüvvədə saxlanması barədə razılığa gəlib.
Xeberinfo.com: Bu barədə Avropa diplomatiyasının başçısı Federika Moqerini Ağ Evdə və ABŞ Dövlət Departamentində, o cümlədən, dövlət katibi Reks Tillersonla keçirdiyi seriya görüşlərdən sonra bəyan edib.
Xanım Moqerini hesab edir ki, bu məsələ təkcə avropalılar üçün yox, həm də Amerika Konqresi üçün çox vacibdir. O, qeyd edib ki, «avropalılar bu istiqamətdə də həmrəy olaraq qalırlar». Ancaq bununla yanaşı, Moqerini Amerikanın Rusiyaya qarşı sanksiya siyasətinin davamlılığına şübhə etdiyini də dilə gətirib.
Rusiyalı senator Aleksey Puşkov Moqerininin bu sözlərini aşağıdakı kimi şərh edib:«Moqerini bəyan edib ki, sanksiyaların saxlanması məsələsində Avropa İttifaqından fərqli olaraq, ABŞ-n qətiyyətinə şübhə edir. Ancaq Aİ da dəmir-beton alyans deyil – çatların yaranacağı qaçılmazdır».
.jpg)
