AZ
RU
İran ABŞ-a nota verdi:ETİRAZ
Etiraz notası ABŞ prezidentinin immiqrasiya fərmanı ilə bağlıdır
Xeberinfo.com: ABŞ-ın İrandakı maraqlarını təmsil edən İsveçrə səfiri Culio Haas İslam Respublikasının Xarici İşlər Nazirliyinə çağırılıb.
“Frans Press”ə istinadən xəbərə görə, bu barədə xarici siyasət idarəsinin rəsmi nümayəndəsi Bəhram Qasimi məlumat verib.
Diplomatın sözlərinə görə, Culio Haasa ABŞ prezidenti Donald Trampın bu yaxınlarda iranlıların Birləşmiş Ştatlara girişinə müvəqqəti qadağanın qoyulmasını nəzərdə tutan fərmanı ilə əlaqədar etiraz məktubu təqdim olunub.
İranlı diplomat İsveçrə səfirinə bu fərmanın əsassız və yolverilməz olduğunu, eyni zamanda ayrı-seçkilik xarakteri daşıdığını bildirib.
Səfir etiraz məktubunu tezliklə ABŞ Dövlət Departamentinə çatdıracağını deyib.
ABŞ prezidenti Donald Tramp yanvarın 28-də İraq, İran, Suriya, Sudan, Yəmən, Liviya və Somali vətəndaşlarının 90 gün ərzində Birləşmiş Ştatlar ərazisinə buraxılmamasına dair fərman imzalayıb.
