AZ
RU
İtaliyada zəlzələ: 100 şəhərdə dağıntılar var
İtaliyada ötən gün baş vermiş güclü zəlzələdən sonra ölkənin mərkəzi hissəsindəki 100 şəhərdə dağıntılar qeydə alınıb.
Xeberinfo.com: RİA Novosti “Corrire della Sera” qəzetinə istinadən bildirir ki, həmin ərazilərdən 40 minə yaxın sakin təxliyə edilib.
Bu, 1980-ci ildən bəri İtaliyada baş vermiş ən güclü zəlzələdir. Zəlzələnin maqnitudası Rixter cədvəli ilə 6,5 bal təşkil edib, episentri mərkəzi İtaliyada, Norça şəhəri yaxınlığnda qeydə alınıb. Təbii fəlakət insan itkisinə səbəb olmasa da, 20 nəfər xəsarət alıb, çoxlu sayda tikili, eləcə də tarixi abidə dağılıb.
Qeyd edək ki, oktyabrın 30-u səhər saatlarında baş vermiş zəlzələdən sonra yeraltı təkanlar gün ərzində davam edib. Ümumilikdə 114 təkanın qeydə alındığı deyilir.
