AZ
RU
.png)
Mosul əməliyyatı: 7 kənd İŞİD-dən azad edildi
İraqın baş naziri Heydər İbadi dövlət televiziyasında çıxış edərək Mosulda İŞİD-ə qarşı əməliyyatın başladığını açıqlayıb.
Xeberinfo.com: Məlumata görə, İbadi Mosulun mərkəzinə yalnız ordunun və polis qüvvələrinin girəcəyini söyləyib.
Əməliyyatda türk əsgərlərinin təlim keçdiyi 2000 sünni iraqlı da iştirak edəcək. Əməliyyat çərçivəsində artıq biri Başehrə kəndi olmaqla 7 kənd İŞİD-dən təmizlənərək peşmərgə qivvələrinin nəzarətinə verilib.
Əməliyyatlarda 15 – 18 min arası peşmərgə qüvvəsinin iştirak etməsi gözlənilir. 11 saat davam edən iclasdan sonra gecə saatlarında başladılan və Bağdad, Ərbil və koalisiya qüvvələri tərəfindən həyata keçirilən Mosul əməliyyatının 5 mərhələdən ibarət olacağı bildirilir.
Əməliyyatın ilk mərhələsinin 48 saat, şərtlərin yerinə yetəcəyi təqdirdə ikinci mərhələnin də 6 gün davam etməsi ehtimal olunur.
Sabiq Mosul valisi və Ninova Keşikçilərinin komandiri Asil Nuceyfi Türkiyə ordusunun təlim keçdiyi sünni mosullulardan ibarət qrupun əməliyyatda iştirak edəcəyini açıqlayıb.
