Neft, dünyanın iki böyük istehsalçısının hasilat miqdarını dondurmaq məsələsində qəti təkliflər verməməsindən sonra ucuzlaşır.

Xeberinfo.com:   Brent nefti 46, ABŞ xam nefti isə 44 dollar səviyyələrinə düşüb.

Səudiyyə Ərəbistanı və Rusiya rəsmiləri Çində keçirilən G20 sammitində görüşüblər. Rəsmi şəxslər, qiymətlərin sabitləşdirilməsi üçün birlikdə çalışacaqlarını bildirsələr də, məsələyə dair hər hansı bir detal verilməyib.

Xam neft qiymətləri, Rusiya Prezidenti Vladimir Putinin müsbət bəyanatlar verməsinin adından, ötən Cümə günü iki həftənin ən güclü yüksəlişini həyata keçirmişdi.

İnvestorlar, neft hasilatının yeni bir zirvə görməsilə yanaşı, OPEC-in hasilat miqdarının dondurulmasına dair görüşlərdən əhəmiyyətli bir qərar çıxa bilməyəcəyinin də fərqindədirlər.

Qeyri rəsmi görüşlər ərəfəsində, Səudiyyə Ərəbistanı və Küveytin hasilatının artırması ilə xam neft hasilatı ötən ay yeni bir rekord qırıb.  Bloomberg məlumatlarına görə,  OPEC ölkələrinin neft hasilatı gündəlik 120,000 barel artaraq 33.69 milyona çatıb.

Qrup üzvləri  bu ayın sonu Əlcəzairdə qeyri-rəsmi danışıqlar aparacaqlar.