AZ
RU
“Çevrilişə cəhdin səbəbi Atatürk ideallarından uzaqlaşmadır”
Türkiyədə dövlət çevrilişinə cəhdin səbəblərindən biri prezident Rəcəb Tayyib Ərdoğanın Türkiyə dövlətçiliyinin banisi Mustafa Kamal Atatürk ideallarından uzaqlaşmasıdır.
Xeberinfo.com: “İnterfaks”a istinadən xəbərə görə, bunu Rusiya Federasiya Şurasının beynəlxalq işlər üzrə komitə sədri Konstantin Kosaçyov deyib.
“Generalların narazılığının səbəbi Ankara hökumətinin müasir Türkiyə dövlətçiliyinin banisi Mustafa Kamal Atatürkün “yeganə düzgün təlimi”ndən uzaqlaşmasıdır (hazırkı prezidentin mötədil islamçılığı qıcıqlandırırdı)”, - Kosaçyov özünün “Facebook” səhifəsində yazıb.
Senator həmçinin hesab edir ki, münaqişənin səbəblərindən daha biri hərbçilərin Ərdoğana qədərki dövrdə olan səlahiyyətlərinin əllərindən alınması və hakimiyyətdən uzaqlaşdırılmasıdır.
