AZ
RU
Rusiya Əsədin getməsinə razıdır
Kreml və Rusiya Xarici İşlər Nazirliyinin qaynaqlarına görə, Moskva Əsədin getməsinə razı ola bilər.
Xeberinfo.com: Ancaq iki şərtlə: Əvvəla, Rusiya Əsəddən sonra hakimiyyətə islamçı qrupların gəlməyəcəyindən əmin olmalıdır. İkincisi, Əsəd rejimi dəyişdirildikdən sonra Suriyadakı hərbi bazalar öz yerində qalmalıdır.
Bu iddianı İngiltərənin Moskvadakı sabiq səfiri Sir Toni Brenton irəli sürüb.
Brentona görə, Rusiya Bəşər Əsəddən sonra Suriyanın daha pis vəziyyətə düşə biləcəyindən və tamamilə nəzarətdən çıxacağından ehtiyatlanır.
Qeyd edək ki, Suriyanın Tartus limanından Rusiyanın Qara dəniz donanmasının hərbi gəmiləri baza kimi istifadə edir. Ölkənin Aralıq dənizində əsas gücü hesab olunan bu baza əldən çıxarsa, dünyaya çıxışı da bağlana bilər. Bu isə Rusiyanın dünya dövləti olmaq qabiliyyətini itiriməsi deməkdir.
Məsələyə bu aspektdən nəzər salanda Brentonun iddiaları əsassız görünmür. (Strateq.az)
(5).jpeg)
