Ermənilər Gürcüstandan Türkiyəyə gedən maşınların yolunu daş-qayalarla bağlayıb.
Ermənilər Türkiyə sərhəddində təxribata əl atmaq istədilər.

Xeberinfo.com:  Türkiyə mətbuatına istinadla məlumata görə, ermənilər Türkiyə-Gürcüstan sərhədində “Çıldır-Aktaş” gömrük məntəqəsindən Türkiyəyə girmək istəyən ağır tonajlı yük maşınlarına (TIR) daşlarla hücum ediblər. Onlar Azərbaycanın işğal altında olan Dağlıq Qarabağ zonasında baş verənləri bəhanə edərək adıçəkilən yolu daş və qayalarla bağlayıblar.
Sürücülər can və mallarının təhlükəsizliyi üçün istiqaməti dəyişməli olublar. Gürcüstandan Türkiyəyə keçmək istəyənlər “Çıldır Aktaş” qapısı yerində, Türkgözü gömrük məntəqəsinə üz tutublar.
Türkiyəyə giriş etmək üçün Türkgözü gömrük məntəqəsindən istifadə etmək istəyən TIR sürücüləri, Gürcüstanın Ahıska ilə Ardahanın Posof rayonları arasında 4 km-lik tıxac yaradıblar.
Sürücülər tıxaca baxmayaraq bu yolun daha təhlükəsiz olduğunu bildiriblər. “Gürcüstanın Axalkələk ilə Ardahanın Çıldır yaxınlarındakı Aktaş sərhəd-keçid məntəqəsinin yolu daş və qayalarla qapadılıb. Türkiyənin Azərbaycana dəstək verməsini bəhanə edən erməni qruplar yolu bağlayıblar. O istiqamətdə gedən türk nömrəli maşınlar hücuma məruz qalır. Bunun üçün biz Ahıska- Posof məntəqəsinə yönəldik”, deyə adının açıqlanmasını istəməyən sürücülər bildiriblər.