AZ
RU
Rusiya Avropa Oyunlarını keçirməkdən imtina etdi
Rusiyanın idman naziri Vitali Mutko 2019-cu ilin Avropa Oyunlarının ölkəsində keçirilməsi ehtimalını istisna edib.
Xeberinfo.com: Bu barədə "Ves Sport” xəbər yayıb.
“Ölkəmizdə 2019-cu ilin heç bir Avropa Oyunları olmayacaq. Əvvəla, Rusiyada böyük idman yarışlarının təqvimi artıq çoxdan yazılıb.
İkincisi, belə böyük yarışların keçirilməsinə ərizə verməyin məqsədəuyğun olmadığı bir sıra səbəblər var – bu, həm cari iqtisadi, həm də siyasi vəziyyətdir.
Avropa Olimpiya Komitələri (EOK) İcraiyyə Komitəsinin nümayəndələri öz şəxsi rəyləri, şəxsi istəklərini ifadə edə bilərlər. Lakin mən təkrar edirəm: biz bu yarışları dəqiq keçirməyəcəyik”, - deyə, nəşr Mutkonun sözlərindən sitat gətirib.
Xatırladaq ki, EOK-un İcraiyyə Komitəsi 2015-ci ilin noyabrında bəyan etmişdi ki, Rusiya 2019-cu il Avropa Oyunlarının keçirilməsinə yeganə namizəddir.
Onu da qeyd edək ki, ilk Avropa Oyunları 2015-ci ildə Bakıda keçirilib
