AZ
RU
Ərdoğan Putinin təklifini rədd etdi
Türkiyə prezidenti Ərdoğan Putinin İraqla bağlı təklifini rədd edib.
Xeberinfo.com: Məlumata görə, Ərdoğan, Səudiyyə Ərəbistanına ziyarətindən əvvəl bu ölkənin “Əl Arabiya” televiziyasına müsahibə verib. Prezident türk əsgərinin Mosula girməsinə toxunaraq, bunun İraqın məlumatı və tələbi əsasına baş verdiyini bildirib. Rusiya, İran, İraq və Suriyanın Bağdadda dördlü ofis qurduğunu, Türkiyəni də bu ofisə daxil etmək istədiklərini dilə gətirən Ərdoğan, təklifi verən Putinə “Mən qanuni dövlət olaraq qəbul etmədiyim Suriya ilə eyni masada necə təmsil olunum? Bizim orada təmsil olunmamız mümkün deyil” cavabını verdiyini bildirib:
“Biz dördlü ofisin içində, beşinci ölkə olaraq yer almadıq. Bu bizim davranışımızın nə qədər haqlı olduğunu göstərdi”,-deyə Ərdoğan bildirib.
