Dağlıq Qarabağ başda olmaqla, Azərbaycanın işğal altındakı torpaqları ilə bağlı mövqeyimiz açıq və konkretdir. Azərbaycanın bütün torpaqları azad olunana qədər Türkiyə Azərbaycanın yanında olacaq

Xeberinfo.com:   Məlumata görə, bu barədə Türkiyənin baş naziri Əhməd Davudoğlu Azərbaycana səfərə gələn zaman jurnalistlərə açıqlamasında deyib. 

"Rusiya rəhbərliyinin Türkiyəni İŞİD-lə neft alverində ittiham etməsinə dair sualı cavablandıran Davudoğlu bunun sovet təbliğatını xatırlatdığını söyləyib: “Son bir həftə ərzində Rusiya mediasında yayılan məlumatlar və Rusiya rəhbərliyi tərəfindən verilən açıqlamalar mənə gəncliyimi xatırladır. Sovet təbliğat maşını vardı. Rusiyanın 20-25 il ərzində sovet davranış tərzini unutduğunu düşünürdük, amma indi bunlar bir-bir yenidən ortaya çıxır. Ekspansiya siyasəti nəticəsində qonşularla problemlər yaşayırlar və bunları örtmək üçün təbliğat maşınından istifadə edirlər. Soyuq müharibə dövründə Sovet təbliğatı var idi. Hər gün müxtəlif yalanlar hazırlanırdı. Öncə özləri inanar, sonra başqalarının inanmasını istəyərdilər. Bu yalanlara heç kim inanmaz. Türkiyə-Suriya sərhədi bütün dünyanın izlədiyi bir regiondur, burada olan hər hansı bir hərəkəti bütün dünya ölkələri görür. Türkiyə belə bir şey etməz, etik olaraq da, real olaraq da bu gün mümkün deyil. Bu gün Suriya rejiminə dəstək verənlər əslində İŞİD-ə dəstək verirlər. İŞİD-i ortaya çıxaran , bəsləyən əsas faktor Suriya rejimidir", - deyə Davudoğlu bildirir.