AZ
RU
ABŞ Türkiyəyə 6 qırıcı təyyarəsi göndərdi
Amerika Birləşmiş Ştatları Rusiya-Türkiyə münasibətlərində Türkiyəyə dəstək verib. Qardaş ölkənin öz sərhədlərini qoruması üçün Türkiyəyə qırıcı təyyarələr göndərib.
Xeberinfo.com: Pentaqonun rəsmi saytına istinadən xəbərə görə, artıq 6 “F15С Eagle” qırıcı təyyarəsi Türkiyədəki İncirlik bazasına gəlib. Sözügedən qırıcılar Türkiyənin öz hava məkanını qorumasında istifadə olunacaq. Bundan əlavə “F15С Eagle”lar İŞİD-ə qarşı vuruşmaqda da kömək edəcəklər.
Amerika Müdafiə İdarəsinin mətbuat katibi Peter Kuk bildirib ki, Rəsmi Ankara ABŞ-a müvafiq xahişlə müraciət edib. Kuk onu da əlavə edib ki, Türkiyəyə verilən dəstək NATO müttəfiqinin təhlükəsizliyini təmin etmək və İŞİD-lə mübarizəyə dəstək vermək istəyindən irəli gəlir.
