AZ
RU
Prezident vaxtından əvvəl seçkiyə hazırdır
"xeberinfo.com": Ukrayna prezidenti Viktor Yanukoviç vaxtından əvvəl prezident və parlament seçkilərinə hazırdır. Ria Novosti agentliyinin verdiyi məlumata görə, bunu prezidentin Ali Radadakı nümayəndəsi Yuriy Miroşniçenko “İCTV” telekanalının efirində bildirib.
"Prezident deyib ki, "Biz siyasətçilər indi razılığa gələ bilmirik. Vəziyyəti yoluna qoymağın yeganə demokratik üsulu vaxtından qabaq seçkilərdir" - deyə Miroşniçenko bildirib. O vurğulayıb ki, söhbət Konstitusiyada dəyişiklikdən, prezident və parlament seçkilərindən gedir.
Onun sözlərinə görə, böhranın güc yolu ilə həllinə baxılmayacaq, eyni zamanda fövqəladə vəziyyətin elan olunmasından da söhbət getmir.
Miroşniçenko, prezidentin güc yolu ilə aksiyanın keçirildiyi meydanı boşaltmaq imkanı olduğunu deyib: “Bizim Maydanı və administrasiya məkanını güc yolu ilə boşaltmaq üçün bütün imkanlarımız var”. Amma, o deyib ki, “Mən bu yola heç vaxt getmərəm”,-deyə Miroşniçenko əlavə edib.
.jpg)
