AZ
RU
Saakaşvili Gürcüstan vətəndaşlığından məhrum ediləcək
Tbilisi Kiyevdən Gürcüstanın keçmiş prezidenti Mixail Saakaşviliyə Ukrayna vətəndaşlığı verilməsi ilə bağlı faktın rəsmən təsdiqlənməsini gözləyir.
"Xeberinfo.com": Məlumata görə, Ədliyyə naziri Teya Tsulukiani deyib ki, bundan sonra Saakaşvili Gürcüstan vətəndaşlığından məhrum ediləcək.
Onun sözlərinə görə, Gürcüstan qanunvericiliyində ikili vətəndaşlıq nəzərdə tutulmayıb.
Saakaşvili mayın 29-da Ukrayna vətəndaşlığı alıb. Bir gün sonra həmin sənəd prezident Pyotr Poroşenkonun saytında yerləşdirilib. Sonra Gürcüstanın keçmiş prezidenti Odessa vilayətinin qubernatoru təyin edilib.
Ukrayna da ikili vətəndaşlığı qəbul etmir. (Modern.az)
