AZ
RU
“Saakaşvilinin Ukrayna vətəndaşlığını qəbul etməsi Gürcüstana təhqirdir”
Gürcüstan prezidenti Georgi Marqvelaşvili keçmiş dövlət başçısı Mixail Saakaşvilinin ölkə vətəndaşlığından imtinasını başa düşmədiyini deyib.
"Xeberinfo.com": Modern.az-ın xarici KİV-ə istinadən verdiyi xəbərə görə, o, Saakaşvilinin bu addımına çox mənfi yanaşır: “Keçmiş prezident Gürcüstan vətəndaşlığından imtina etməməli idi. O, bununla ölkəni və prezident institutunu təhqir edib”.
Marqvelaşvilinin fikrincə, karyeradan daha vacib dəyər Gürcüstan vətəndaşlığıdır.
Mayın 30-da Ukrayna prezidenti Pyotr Poroşenko Gürcüstanın eks-prezidenti Mixail Saakaşvilinin Odessa vilayətinin rəhbəri təyin olunması haqda fərman imzalayıb. O, Saakaşviliyə həm Ukrayna vətəndaşlığı verib.
Gürcüstan qanunvericiliyinə görə, başqa ölkənin vətəndaşlığını alan şəxs Gürcüstan vətəndaşlığını avtomatik olaraq itirir.
