AZ
RU
ABŞ-ın Gürcüstandakı səfiri ölkəni tərk etdi
ABŞ-ın Gürcüstandakı səfiri Riçard Norland diplomatik missiyası başa çatdığı üçün öz xanımı ilə birgə Tiflisi tərk edib.
"Xeberinfo.com": Musavat.com gürcü qaynağına istinadən xəbər verir ki, səfir gedərkən özü ilə birgə pişiyini də aparıb.
Gürcüstanda fəaliyyət göstərən “Amerikanın dostları klubu” Tiflis hava limanında diplomata sürpriz edib. Klubun nümayəndələri qəfil yolasalma mərasimi düzənləyərək ona Gürcüstandakı fəaliyyətinə görə minnətdarlıq ediblər.
“Bütün qəlbimdən sizlərə çox sağ ol deyirəm! Gürcüstan – unikal ölkədir, gürcülər dostsevən və qonaqpərvərdir. Yalnız burada dostlar gecə saat 3-də hava limanına gələrək səni yola sala bilərlər... 3 illik fəaliyyətim dövründə mən təkrarolunmaz təcrübə topladım. Ölkədə islahatlar necə gedirdi – bu ağlasığmaz idi. Ümid edirəm ki, Gürcüstan onun qarşısında duran bütün çətinlikləri aşaraq güclü və inkişaf eləmiş bir ölkəyə çevriləcək. ABŞ bu yolda ona hər cür köməyi göstərəcək. Yaşasın Gürcüstan!” , - deyə diplomat son dəfə Gürcüstandakı dostlarına səslənib.
.jpg)
