AZ
RU
Saakaşvili məhkəməyə verildi
Ukrayna Dövlət Aviasiya Xidmətinin keçmiş sədri Denis Antonyuk Odessa vilayətinin qubernatoru Mixail Saakaşvilini məhkəməyə verib
"Xeberinfo.com": Məlumata görə, Antonyuk bu barədə özünün "Feysbuk" hesabında yazıb. O, Saakaşvilinin onun nüfuzuna xələl gətirdiyini bildirib və 1 milyon qrivna (48 min 600 manat) tələb edib.
Antonyuk, həmçinin Saakaşvilinin hərəkətlərinin qanunsuz olduğunu bildirib: “Saakaşvilinin, komissiyanın üzvü olmadığına görə 26 iyunda keçirilən iclasda iştirak etmək hüququ yox idi”.
Qeyd edək ki, iyunun 26-da Saakaşvili Dövlət Aviasiya Xidmətinin komissiyaları ilə iclas keçirib. İclas zamanı Saakaşvili xidmət rəisini konkret şəxslərdən pul almaqda və oliqarxların maraqlarına işləməkdə ittiham edib.
