Qarabağ separatçılarının lideri Bako Saakyanın iyulun 8-nə təyin olunmuş çıxışı barədə informasiyaya Beynəlxalq Münasibətlər üzrə Britaniya Kral İnstitutunun (“Chatham House”) saytının “events” bölümündə rast gəlinmir.

"Xeberinfo.com":  “Chatham House” bundan əvvəl Saakyanı Qarabağ və regional təhlükəsizlik məsələlərinə dair çıxış etməyə dəvət etdiyi haqda xəbər vermişdi.

Qeyd edək ki, Azərbaycan XİN B.Saakyanın Londona dəvət olunması ilə bağlı iyulun 1-də etiraz bəyanatı ilə çıxış etdi. Rəsmi London isə öz növbəsində yaxasını kənara çəkərək “Chatham House”yə aidiyyətinin olmadığını bildirərək Böyük Britaniyanın “DQR”-i tanımadığını bəyan etdi. Bəyanatda o da vurğulanırdı ki, Böyük Britaniya hökumətinin Qarabağdakı tanınmamış separatçı rejimlə və onun hər hansı nümayəndəsi ilə heç bir təması yoxdur.

“Chatham House” “Turan” agentliyinin Saakyanın çıxışı haqda informasiyanın tədbirlər proqramından çıxarılmasına dair yazılı sorğusunu cavablandırmaqdan imtina edib.

“Chatham House”nin saytında hazırda yalnız 3 tədbir haqda məlumat var.