AZ
RU
Türkiyədəki seçkilər dünya mətbuatında
Dünya mətbuatı Türkiyədəki parlament seçkilərini yaxından izləyir.
"Xeberinfo.com": Musavat.com-un məlumatına görə, müxtəlif ölkələrin mətbuatı demək olar ki seçki haqqında eyni fikirləri səsləndiriblər.
“Reuters” yazır: “Türklər bazar günü prezident Rəcəb Tayyib Ərdoğanın ya daha çox güc toplamasına kömək edəcək, ya da AKP-nin 12 illik tək pariya sistemini sona çatdıracaq. 10 ilin ən çəkişməli parlament seçkiləri üçün səsvermə başladı”. Qəzet daha sonra qeyd edir ki, Diyarbəkirdə baş verən partlayış HDP-yə diqqəti artırıb.
Fransanın xəbər agentliyi “AFP” isə seçki xəbərlərini Diyarbəkirdə baş verən partlayışın kölgəsində verib. Agentlik yazır: “Türkiyə bazar günü prezident Ərdoğanın ölkə üstündə daha artıq hakimiyyət qurub-qurmamasını müəyyənləşdirəcək”.
“Associated Press” yazıb: “Türkiyə Ərdoğanın konstitusiyanı dəyişib-dəyişməyəcəyinə səs verir. Bu seçki türklər üçün böyük əhəmiyyət kəsb edir”.
BBC xəbərlər buraxılışında qeyd edib ki, Türkiyə iqtidar partiyasının konstitusiyanı dəyişib-dəyişməyəcəyini müəyyənləşdirəcək parlament seçkiləri üçün səs verir: "Türkiyə prezidenti Ərdoğan Türkiyəni prezident sisteminə keçirmək üçün lazimi çoxluğu axtarır”.
(29).jpg)
