Tütün məhsullarının qapalı yerlərdə istifadəsi və təbliğinin 40 gündən artıqdır qadağan edilmsinə baxmayaraq, televiziya kanallarında siqaret tüstülətmə səhnələrinə hələ də rast gəlinir. Ola bilsin ki, bəzi TV rəhbərləri belə səhnələrin göstərilməsinin qadağan olunduğunu hələ də bilmirlər

Yenixeber.org: Bu sözləri hüquqünas, ekspert Ərşad Hüseynov tütün məhsullarının istifadəsinin məhdudlaşdırılması, təbliğinin qadağan edilməsi qanununa telekanalların əməl etməməsi barədə danışarkən deyib.

Hüquqşümas bildirib ki, Tütün məmulatlarının istifadəsinin məhdudlaşdırılması Qanunu 40 gündən artıqdır ki, qüvvədədir. Bu qanunda dəqiq və aydın qadağalar var:

“14.1. Tütün məmulatına tələbatın azaldılması məqsədi ilə tütün məmulatlarının satışının və onlardan istifadənin reklamı və stimullaşdırılması ilə bağlı aşağıdakılar qadağan edilir:

14.1.4. televiziya və videofilmlərdə, ... televiziya, video və kinoxronika proqramlarında ... tütün məmulatlarının və tütün istifadəsi prosesinin nümayiş etdirilməsi, həmçinin tütün məmulatlarının və tütün istifadəsi prosesinin nümayiş etdirildiyi əsərlərin, tamaşaların, proqramların efirdə, kabel yayımı vasitəsi ilə açıq yayımlanması”.

Ekspert bildirib ki, buna əməl edilməsinin vaxtıdır:

“Efirdə siqret tüstüləmə görüntüləri olmamalıdır. Müxtəlif səhnələrdə həmin görüntüləri "bağlamaq" çətin deyil”.