AZ
RU
"Bu sınaq ABŞ-ın «Müstəqillik günü»nə bir hədiyyədir" -Kim Çen İn
Koreya Xalq Demokratik Respublikasının (KXDR) lideri Kim Çen İn ölkəsinin keçirdiyi qitələrarası ballistik raket sınağının Amerika Birləşmiş Ştatlarının (ABŞ) «Müstəqillik günü»nə bir hədiyyə olduğunu bəyan edib.
Yenixeber.org: «Bu sınaq, «Müstəqillik günü»ndə amerikalı alçaqlara bir hədiyyədir» – «The Telegraph Koreya liderindən sitat gətirir.
Kütləvi informasiya vasitələrinin (KİV) məlumatına görə, Kim Çen İn «Xvason-14» raketinin atışına şəxsən nəzarət edib.
«Köpək uşağı Amerikada bu hədiyyədən o qədər də məmnun olmayacaqlar. Biz, periodik olaraq, onlara hədiyyələr göndərməliyik ki, bekarçılıqdan canları qurtarsın» – deyə, K.Ç.İn bəyan edib.
ABŞ-da Şimali Koreyanın yeni raket sınağını Birləşmiş Ştatlar, onun müttəfiqləri, bölgə ölkələri və bütün dünya üçün təhdid adlandırıblar.
İyulun 5-də ABŞ və Cənubi Koreya hərbçiləri Pxenyanın bu hərəkətinə cavab olaraq, Cənubi Koreyanın ərazi sularında birgə raket atışları keçiriblər.
