“Azərisriliktəchizat” ASC-nin aktivləri 31 dekabr 2016-cı il tarixinə 191 mln. 137,963 min manat təşkil edib ki, bu da 2015-ci illə müqayisədə 0,3% azalıb.

Yenixeber.org:  Dövlət müəssisəsinin audit hesabatına istinadən xəbərə görə, aktivlərin 163 mln. 502,519 min manatı uzunmüddətli, 27 mln. 635,444 min manatı isə qısamüddətlidir.

Ötən il ərzində ASC-nin öhdəlikləri 20% artaraq 87 mln. 806,181 min manat təşkil edib. Dövlət şirkətinin qısamüddətli kreditor borcları 86 mln. 430,086 min manat olub ki, bu da illik müqayisədə 20,98% artım deməkdir. “Azəristiliktəchizat” 1 mln. 376,095 min manat gə ya ötən ilin müvafiq dövrü ilə müqayisədə 20,65% çox vergi və sair məcburi ödəniş etməlidir.

“Azəristiliktəchizat”ın nizamnamə kapitalı dəyişməyərək 19,266 mln. manat qalıb. ASC 201 mln. 348,848 min manat məbləğində kapital ehtiyatı yaradıb.

2016-cı ilin sonuna şirkətin ödənilməmiş zərəri 117 mln. 283,066 min manata çatıb. Qeyd edək ki, ötən il bu rəqəm 96 mln. 466,926 min manat olub.