AZ
RU
"Qarabağ" və "Qəbələ" finala yüksəldi
Bu gün Azərbaycan kubokunda yarımfinal mərhələsinə yekun vurulub.
Yenixeber.org: Bu mərhələnin cavab oyununda ilk finalçının adı Qəbələdə müəyyənləşib. "Qəbələ" komandası doğma meydanda “İnter”i məğlub edib. İlk görüşdə 3:1 hesabı ilə qalib gələn "Qəbələ" bu dəfə 2:0 hesablı qələbəyə sevinib.
İkinci finalçının adı isə paytaxtda müəyyənləşib. “Qarabağ” “Neftçi” komandası ilə oyunda yaşıl meydandan sülhlə ayrılıb.
Səfərdə 2 cavabsız qolla qələbə qazanan Qurban Qurbanovun yetirmələri bu dəfə qolsuz bərabərliyə razılaşaraq ardıcıl 3-cü dəfə finala çıxıb.
Qeyd edək ki, final oyunu mayın 5-də keçiriləcək.
