Almaniyanın Xarici işlər naziri Siqmar Qabrielin Türk həmkarı Mevlud Çavuşoğlu ilə Berlində keçirilən görüşü sona çatıb.

Yenixeber.org:  Alman nazir Çavuşoğlu ilə nahardan sonra verdiyi açıqlamada ikitərəfli əlaqələrdə qalıcı zərərin hər iki tərəfə zərbə vura biləcəyini vurğulayıb. O, dialoqun davam etdirilməsi xaricində heç bir alternativ olmadığını söyləyib.

Çavuşoğlu ilə görüşünün “yaxşı, dürüst və dostca, eyni zamanda çətin” olduğunu bildirən Qabriel: “Bugünkü vəziyyət çətin olsa da, Türk-Alman əlaqələrinin uğurunu xatırlamalıyıq. Fikir ayrılıqlarımız dərin olsa da, Türkiyə ilə danışıqların davam etdirilməsinin alternativi yoxdur” söyləyib.

Hər iki ölkənin normal və daha yaxşı əlaqələr istiqamətinə dönməsini istədiklərini, bunun yalnız danışıqlar yolu ilə təmin edilə biləcəyini vurğulayan Qabriel, “hədəfimiz ədalətli, açıq, dürüst bir ortaqlıq və iki ölkə arasında dostluqdur” deyib.

Alman nazir türklər arasındakı konstitusiya dəyişikliyi referendumu ilə bağlı qarşıdurmaların Almaniyaya daşınmamasını istədiklərini “Türkiyədəki siyasi münaqişələrin Almaniyaya idxalına icazə verə bilmərik” şəklində ifadə edib.

Prezident Rəcəb Tayyib Ərdoğan və ardından Çavuşoğlunun Almaniya ilə əlaqədar dedikləri “nazi” bənzətməsinə toxunan Qabriel, bunu “qırmızı xətt” kimi dəyərləndirib. Baş nazir bunu “aşılmaması gərək olan sərhədlər” şəklində türk tərəfinə çatdırıb.

Görüşdə Türkiyədə məhbus olan “Die Welt” qəzetinin müxbiri Deniz Yücelin vəziyyəti də müzakirə olunub.