İsrailin müdafiə naziri Aviqdor Liberman bildirib ki, amerikalı həmkarı Ceyms Mettislə ilk görüşündə İran tərəfindən təhdidlər müzakirə olunub və bu istiqamətdə qətiyyətli tədbirlərlə bağlı vədlər alıb.

Xeberinfo.com:  Bu məlumatı “RİA Novosti” yayıb.

“Biz bir sıra məsələləri müzakirə etdik. Başlıcası isə İran mövzusu ilə bağlıdır. Həmkarımla görüş zamanı vurğuladım ki, ölkəmizin qarşılaşdığı üç problem var – İran, İran və İran”, - bunu özünün “Facebook” səhifəsində Liberman yazıb.

“Uzaq məsafəli ballistik raketlərə malik olan və raket tüxnikasını gücləndirilmiş şəkildə inkişaf etdirən İran. Nüvə texnologiyalarına malik olan İran. İsraillə coğrafi sərhədləri olmayan, lakin onları Livanda “Hizbulla” və Qəzada HAMAS vasitəsilə yaradan, terror təşkilatlarının əsas sponsoru olan İran”, - o əlavə edib.

Nazirin sözlərinə görə, Mettis ABŞ-ın yeni rəhbərliyinin “İrana qarşı qətiyyətlə fəaliyyət göstərmək” niyyətini təsdiq edib.

“Müdafiə naziri Mettislə açıq və səmimi dialoq aparmaq və İsrailin təhlükəsizliyinin möhkəmləndirilməsi, Yaxın Şərqdə ABŞ-ın maraqlarının qorunması kimi məsələlərdə əməkdaşlıq barədə razılıq əldə etdik. Həmçinin yaxın dövrlərdə yenidən görüş keçirməklə əlaqədar razılaşdıq”, - Liberman bildirib.