Belarus Avropa Birliyinə koronavirus infeksiyasının ölkə ərazisində yayılmasının qarşısını almağa kömək olunması üçün müraciət edib.

Yenixeber.org: Xarici agentliklər xəbər verir ki, bu barədə Avropa Birliyinin Təhlükəsizlik və xarici aiyasət üzrə ali ümayəndisi Jozep Borrel məlumat yayıb. Onun sözlərinə görə, rəsmi Minsk yaranmış situasiyada səhiyyə sisteminə dəstək göstərilməsi, habelə pandemiyanın makroiqtisadi nəticələrinin aradan qaldırılması işində yardım olunması xahişini çatdırıb.

Jozep Borrel Birliyin hazırda bu sorğuya necə cavab verəcəyi üzərində düşünüyünü söyləyib. Belarusa göstəriləcək yardımın həcminin 60 milyon avro civarında olması gözlənilir. Bundan daha öncə Belarusun 150 min vətəndaşının imzası ilə Ümumdünya Səhiyyə Təşkilatına ölkədə karantin vəziyyətin elan olunması tələbinin yer aldığı petisiya təqdim olunub. ÜST təmsilçiləri vəziyyəti yerində öyrənmək üçün aprel ayının 11-nə qədər ölkədə qalacaqlar.

Son məlumatlara görə Belarusda 1066 adam koronavirusa yoluxub, onlardan 13-ü vəfat edib, 77-i isə sağalıb.