AZ
RU
İtaliyada həkimlər artıq 2 502 nəfərin koronavirusa yoluxması hadisəsini qeydə alıblar.
Yenixeber.org: Bu barədə ölkənin Səhiyyə Nazirliyi məlumat yayıb.
Qeyd olunub ki, İtaliyada 79 xəstə bu virusun qurbanı olub, 149 nəfər sağalaraq xəstəxanadan evə buraxılıb. Koronavirusdan ən çox ölkənin şimal əraziləri zərər çəkib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 78 ölkə və regionu əhatə edir.
Dünyada koronavirus infeksiyasına indiyədək yoluxanların sayı 92 275-ə çatıb. Bunların 48 450 nəfəri sağalıb, 3 131 nəfəri isə ölüb.
Ümumdünya Səhiyyə Təşkilatı (ÜST) fevralın 11-də yeni növ pnevmoniyanın adını COVID-19 qoyub.
