AZ
RU
"Azərbaycan İsrailin İrana zərbə vurmasına icazə verməyib"-RƏSMİ
Müdafiə Nazirliyi son günlər bəzi xarici elektron media resurslarında İsrailə məxsus hərbi təyinatlı vasitələrin guya Azərbaycanda yerləşdirilməsi və bu ərazidən İrana qarşı zərbə endiriləcəyi barədə yayılan xəbərlərə münasibət bildirib.
Yenixeber.rog: Məsələ ilə bağlı sorğumuza cavab olaraq Müdafiə Nazirliyindən bildirilib ki, yayılan məlumatların heç bir əsası yoxdur: “Bu kimi məlumatlar dezinformasiya və saxta xəbərdən başqa bir şey deyildir. Yayılan məsuliyyətsiz, təxribat xarakterli məlumat uğursuz şəkildə qonşularla olan münasibətlərimizə xələl yetirmək məqsədi güdür.
Bir daha bildiririk ki, hər hansı xarici ölkəyə məxsus heç bir hərbi təyinatlı vasitə Azərbaycan ərazisində yerləşdirilməyib, bu barədə yayılan məlumatların heç bir əsası yoxdur və yalandır”.(virtualaz)
.jpeg)
