AZ
RU
Prezident icra başçılarının yerini dəyişdi
Bu gün prezident İlham Əliyev bir neçə rayonun icra başçılarının vəzifədən azad edilməsi və yeni vəzifələrə təyin edilməsi ilə bağlı sərəncamlar verib.
"Xeberinfo.com": Məlumata görə, İlham Əliyevin Quba rayonu İcra hakimiyyəti ilə bağlı sərəncamında aşağıdakı göstəriş verilib:
“Mübariz Alı oğlu Ağayev Quba rayonu İcra hakimiyyətinin başçısı vəzifəsindən azad edilsin”.
***
İlham Əliyevin digər sərəncamı ilə Yaşar Qəhrəman oğlu Məmmədov Quba rayonu İcra hakimiyyətinin başçısı təyin edilib.
***
İlham Əliyevin sərəncamı ilə Yaşar Qəhrəman oğlu Məmmədov Ucar rayonu İcra hakimiyyətinin başçısı vəzifəsindən azad edilib.
Prezidentin digər sərəncamı ilə Mənsur Həmzə oğlu Məmmədov Ucar rayonu İcra hakimiyyətinin başçısı təyin edilib.
İlham Əliyev Göyçay rayonu İcra hakimiyyəti ilə bağlı da sərəncam verib. Sənədə əsasən, Mübariz Alı oğlu Ağayev Göyçay rayonu İcra hakimiyyətinin başçısı təyin edilib.
