Redaktor seçimi
BSU-nun rektoru Anar Nağıyevə "İTTİHAM YAĞIŞI":
Həmkarlar İttifaqında qərar verən əsas güc- NİGAR VAHABZADƏ KİMDİR?-
GENERAL MEHDİYEV - GÖMRÜKDƏN BİZNESƏ... - DGK-nın keçmiş şefi necə “uğurlu biznesmen” oldu? +
Fuad Muradovun "adamı" Azərbaycanı "diktatura rejimi" adlandırdı -
Bakını "Qəzza zolağına çevirən" kimlərdir(?)!: “Şamaxılı Cavid”ə "DUR" deyin...-
Əmlak Məsələləri Dövlət Xidməti “Qobu əməliyyatı”na hazırlaşır:
“Əcəmi”də “can bazarı”:
Heydər Əliyevin posterini sökdürən Vüqar Sədiyev bu qədər sərvəti hansı məmurun hesabına əldə edib? -
Günün xəbəri

Küveyt də İrana qarşı sanksiyalarda iştirak etməyəcək

İran müsəlman ölkəsi olmaqla yanaşı, Küveyt dövlətinin yaxın qonşusudur. Buna görə də Küveyt İranın təcrid olunmasını istəmir.

Yenixeber.org: Bunu Küveytin BMT yanındakı daimi nümayəndəsi Mənsur Ayəd Əl-Ətabi deyib.

“Əl-Cəzirə” telekanalına müsahibəsində diplomat bildirib ki, sanksiyalar regiona sülh və əmin-amanlıq gətirməyəcək. Küveyt ümid edir ki, region dövlətləri ziddiyyətli münasibətlərini qaydaya salmaq üçün səylərini əsirgəməyəcəklər.

Küveyt regionda ABŞ-ın ən yaxın müttəfiqidir. ABŞ Küveytin təhlükəsizliyini təmin etmək üçün bu ölkədə baza yaradıb. Yerli mətbuat isə yazır ki, ABŞ-ın Küveytdə hərbi baza saxlaması ölkənin təhlükəsizliyi üçün deyil, öz siyasi maraqlarını qorumaq üçündür. Buna baxmayaraq, hər iki dövlət yaxın müttəfiqlik əlaqələrinə malikdir. Küveytin ABŞ-ın İrana qarşı sanksiyalar siyasətində iştirak etmək niyyətində olmaması da öz təhlükəsizliyi ilə əlaqədardır. Hər halda, Küveyt mövqeyini aşkar şəkildə bəyan edir və bunun nə ilə nəticələnəcəyini zaman göstərəcək.

Qeyd edək ki, ABŞ-ın İrana qarşı sanksiyalar siyasətinə dəstək vermək niyyətində olmayan dövlətlərin sayı artmaqdadır. Bundan əvvəl Qətər də oxşar bəyanatla çıxış edib. Yaponiya ABŞ-ın müttəfiqidir və sanksiyalara baxmayaraq, İranın neft sahəsinə 120 milyon dollar sərmayə yatıracağını bildirib.

Qətərdə səfərdə olan Malayziyanın Baş Naziri Mahathir Məhəmməd də bu gün səhər bəyan edib ki, ABŞ-ın İrana qarşı sanksiyaları beynəlxalq qanunlara və BMT-nin nizamnaməsinə ziddir.


Facebook-da paylaş

Yeni xəbərlər

Reklam

Reklam