AZ
RU
“YPG 750 İŞİD-çini həbsdən azad edib” - Ərdoğan
“YPG terror təşkilatı Suriyanın şimalında 750 İŞİD-çini həbsdən azad edib. Həmin 750 İŞİD-çidən 195-i Türkiyə Silahlı Qüvvələri tərəfindən tutulub”.
Yenixeber.org: Bunu Türkiyə Prezidenti Rəcəb Tayyib Ərdoğan əcnəbi media nümayəndələri ilə görüşündə deyib.
Tel Abyad və Rasulaynın terrorçulardan təmizləndiyini vurğulayan Ərdoğanın sözlərinə görə, YPG-nin 120 saat ərzində təhlükəsiz bölgədən geri çəkilməsinə ABŞ məsuliyyət daşıyır:
“Həyatımız boyu terror təşkilatları ilə mübarizə aparacaq halımız yoxdur. Suriya rejimi də terror təşkilatları ilə mübarizə aparmalıdır”.
O, Suriyanın şimalında 12 müşahidə məntəqəsinin qurulacağını da açıqlayıb.
