Goranboyda silahlı insidentdə iştirak edən şəxslərdən biri ölüb. 

Yenixeber.org: Mingəçevir büromuzun məlumatına görə, gecə saatlarında Goranboyda silahlı insidentdə iştirak edən yaralılardan biri xəstəxanada dünyasını dəyişib. Ölən şəxs 1999-cu il təvəllüdlü, rayon sakini Əhmədov Təbriz Xalıq oğludur.

Həkimlərin bütün səylərinə baxmayaraq, onun həyatını xilas etmək mümkün olmayıb.

Faktla bağlı Goranboy rayon Prokurorluğunda cinayət işi açılıb.

****

05:13

Goranboyda baş verən silahlı insident nəticəsində üç nəfər xəsarət alıb. 

 Mingəçevir büromuzun məlumatına görə, hadisə rayonun Goran qəsəbəsində olub. 

Hadisə nəticəsində Kəlbəcər rayon sakini, 1986-cı il təvəllüdlü Kərimov Vüsal Əlövsət oğlu, Goranboy rayon sakini, 1999-cu il təvəllüdlü Əmrahov Təbriz Xaliq oğlu və Goranboy rayon Boluslu kənd sakini, 1994-cü il təvəllüdlü Həsənov Səfər Nəsir oğlu xəsarət alıblar. 

Hadisənin Vüsal Kərimovla Təbriz Əmrahov arasındakı mübahisə zəminində baş verdiyi bildirilir. Məlumata görə, V.Kərimov polis leytenantı, hadisənin digər iştirakçısı Səfər Həsənov isə Goran qəsəbəsində mühafizə xidməti əməkdaşıdır. 

Yaralılar Goranboy rayon xəstəxanasına yerləşdiriliblər. Faktla bağlı araşdırma başlanılıb.(apa)